Կանադայում ինքնաթիռի ուղևորը դատի է տվել Sunwing Airlines ավիաընկերությանը նրա համար, որ իրեն շամպայնի փոխարեն՝ փրփրուն գինի են բերել: Այս մասին հայտնում է Daily Mail-ը:
Հայցվոր Դենիել Մաքդուֆի խոսքով՝ չվերթը, որով ինքը Կուբա է մեկնելիս եղել, նախատեսում է ուղևորի համար մեկ գավաթ անվճար շամպայն: Սակայն բորտուղեկցորդուհին Մաքդուֆի համար փրփրուն գինի է բերել, որը շամպայնի նմանօրինակ է:
«Խոսքը շամպայնի համեմատ փրփրուն գինու էժանությունը չէ: Այդ արարքի հետևում սպառողի հանդեպ հարգանքի բացակայությունն է»,- հայտարարել է հայցվորը:
Sunwing Airlines-ի ներկայացուցիչները հերքում են իրենց մեղքը՝ դեպքն աննշան անվանելով: Սակայն դեպքից հետո ընկերությունն իր կայքում նշել է, որ ուղևորները հենց փրփրուն գինի են ստանում: