Շրջակա միջավայրի աղտոտման հետևանքով մահանում են երեք անգամ ավելի հաճախ, քան ՁԻԱՀ-ից, տուբերկուլյոզից և մալարիայից միասին վերցրած։ Այս մասին են վկայում հետազոտության տվյալները, որն անցկացվել է մի շարք միջազգային և ոչ կառավարական կազմակերպությունների կողմից, փոխանցում է The Lancet պարբերականը։
Նշվում է, որ 2015 թվականին շրջակա միջավայրի աղտոտման հետևանքով առաջացող հիվանդություններից մահացել է 9 մլն մարդ։ Դա 15 անգամ ավելի է, քան պատերազմների և բռնության այլ ձևերի հետևանքով վրա հասած մահվան դեպքերի թիվը։
Մահվան դեպքերի 92 տոկոսը բաժին է ընկնում ցածր և միջին եկամուտ ունեցող երկրներին։ Բնության աղտոտվածությունը հանդիսանում է յուրաքանչյուր 4-րդ մարդու վաղաժամ մահվան պատճառ բուռն զարգացող արդյունաբերությամբ պետություններում, ինչպիսիք են Չինաստանը, Հնդկաստանը, Պակիստանը կամ Քենյան։