Գերմանիայի կանցլեր Անգելա Մերկելը հայտարարել է, որ Բունդեսթագի պատգամավորներն իրավունք ունեն այցելելու արտերկրում ծառայող գերմանացի զինվորականներին։ Այցելությունների արգելքի դեպքում Գերմանիան զինվորականներին դուրս բերելու իրավունք ունի՝ գրում է TASS գործակալությունը։
«Կոնիայի ավիաբազայի հարցով գործում են նույն կանոնները, ինչ և Ինջիրլիքի դեպքում», – ասել է Մերկելը։
Կանցլերը նշել է սակայն, որ Կոնիայի ավիաբազայում իրավիճակը փոքր-ինչ այլ է, քանի որ գերմանացի զինվորներն այնտեղ են գտնվում ՆԱՏՕ-ի գծով, իսկ դա նշանակում է, որ ոչ միայն Գերմանիան է բանակցելու, այլև դաշինքը։