ՀՀ-ում Եվրամիության պատվիրակության ղեկավար Պյոտր Սվիտալսկին հայտարարել է, որ ՀՀ-ԵՄ նոր համաձայնագրի թիրախային ամիսը նոյեմբերն է: «Առաջին լրատվական»- հետ թեմայի շուրջ զրույցում ԱԺ «Ժառանգություն» խմբակցության նախին պատգամավոր Թևան Պողոսյանը կարծիք հայտնեց, որ պայամանագրի ստորագրումը ձգձգվում է հիմնականում երկու պատճառով՝ տեխնիկական, որը կապված է տեքստերի թարգմանության, ձևակեպումների հետ, և քաղաքական:
Թ. Պողոսյանի խոսքով՝ պարտավորությունների մասին միգուցե դեռևս շատ հարցեր հստակեցված չեն, և նաև այդ հարցերի ուսումնասիրման անհրաժեշտության պատճառով է ձգձգվում պայմանագրի ստորագրումը:
Թ. Պողոսյանը, կարևորելով ՀՀ-ԵՄ պայմանագրի կարևորությունը՝ բարեփոխումների, համագործակցության առումով, այնուամենայնիվ նշեց, որ այդ պայամագրի ստորագրմամբ այնպես չէ, որ Հայաստանի իշխանությունը (որը, ըստ նրա, վստահություն չի ներշնչում), միանգամից դառնալու է ոչ կոռումպացված:
«Պայմանագրի ստորագրման հաջորդ օրը միանգամից չենք ունենալու անկախ դատական համակարգ, և բոլոր թերությունները միանգամից չեն շտկվելու: Բայց այս պայմանագիրը իշխանությունների միջև չէ, երկրների միջև է: Եվրամիությունը համաձայնագիր է ստորագրում ոչ թե ՀՀԿ-ի, այլ Հայաստանի հետ: Այս իմաստով բոլորս կարող ենք պահանջատեր լինել»:
Մանրամասները՝ տեսանյութում:
