Այսօր՝ մայիսի 19-ին, ԱԺ-ում քննարկվում է մշտական հանձնաժողովների ձևավորման հարցը: Հանրապետական խմբակցությունն առաջարկում է ԱԺ մշտական հանձնաժողովները 12-ից դարձնել 9:
«Ելք» դաշինքը ներկայացրել է իր նախագիծը, որով առաջարկել է հանձնաժողովների թիվը դարձնել 10-ը, որպեսզի «Ելքը» նույնպես հնարավորություն ունենա հանձնաժողով ղեկավարել:
ՀՅԴ խմբակցության ղեկավար Արմեն Ռուստամյանը հանդես եկավ ելույթով` ներկայացնելով ՀՅԴ դիրքորոշումը: Նա նշեց, որ ՀՅԴ-ն ներկայացված երկու առաջարկներին էլ համահեղինակ չէ, սակայն շեշտեց, որ ԱԺ-ն ներկայացուցչական մարմին է, ուստի անհրաժեշտ է, որ հանձնաժողովների դերը մեծանա:
«Մենք 7 հոգանոց պատգամավորական ֆրակցիա ենք և բոլոր հանձնաժողովներում ներկայացվածություն ունենալու խնդիր ունենք: Ստացվում է, որ մեզ ձեռնտու է մշտական հանձնաժողովների թիվը կրճատել, հասցնել 7-ի, որպեսզի կարողանանք բոլոր տեղերում լինել»,- հայտարարեց նա՝ հավելելով, որ հանձնաժողովների թվի մեծացմամբ իրենք զրկված են լինում բոլոր տեղերում լինելու հնարավորությունից:
« Ռուստամյանը նշեց, որ իրենք չեն ուզում, որ «Ելք»-ը զրկվի հանձնաժողովի նախագահ ունենալու հնարավորությունից, սակայն խնդիրն այլ է, որի մասին պետք է մտածել:
Մանրամասները՝ տեսանյութում: