Ո՛չ «Ազգային ճակատ» կուսակցությունից Ֆրանսիայի նախագահի թեկնածու Մարին Լե Պենը, ո՛չ էկոնոմիկայի նախկին նախարար Էմանուել Մակրոնը չեն կարող միավորել ֆրասիացիներին: Այս մասին վկայում են Journal du dimanche թերթի համար Ifop ընկերության կատարած հարցման արդյունքները:
Հարցվածների 54%-ը Լե Պենին համարում է «ամենաանհանգիստ» թեկնածուն, Մակրոնին՝ 25%-ը: Միևնույն ժամանակ ֆրանսիացիները համոզված են, որ Լե Պենն ավելի շատ կարող է բնակչությանը պաշտպանել ահաբեկչությունից (42%), քան Մակրոնը (22%):
Ըստ ֆրանսիացիների՝ երկու թեկնածուներն էլ չեն առանձնանում ազնվությամբ (47%), չգիտեն ֆրանսիացիների ամենօրյա հոգսերը (44%) և չեն կաողանա նվազեցնել գործազրկության մակարդակը երկրում (45%):
Հարցումն անցկացվել է 18 տարեկանից մեծ 1 000 մրդու շրջանում ապրիլի 26-28-ին:
Հիշեցնենք՝ ապրիլի 23-ին Ֆրանսիայում նախագահական ընտրությունների առաջին փուլում երկրի էկոնոմիկայի նախկին նախարար Էմանուել Մակրոնը ստացել է ընտրողների քվեների 24,01%-ը, «Ազգային ճակատ» կուսակցության առաջնորդ Մարին Լե Պենը՝ 21,3%-ը: Նրանք անցել են ընտրությունների երկրորդ փուլ, որը տեղի կունենա մայիսի 7-ին: