Թուրքիայի նախագահ Ռեջեփ Թայիփ Էրդողանը հայտարարել է, որ ԱՄՆ նախկին նախագահ Բարաք Օբաման խաբել է Անկարային և աջակցել սիրիացի քրդերի Ժողովրդավարական միություն կուսակցությանը (PYD)՝ չնայած առկա պայմանավորվածություններին:
Էրդողանը պատասխանել է «Ալ-Ջազիրա» հեռուստաալիքի այն հարցին՝ արդյոք ԱՄՆ-ի վարչակազմը պատրաստ է հրաժարվել քրդական կուսակցությանը զենք մատակարարելուց: «Թրամփի հետ անձնական հանդիպման ժամանակ մենք կքննարկենք այդ հարցը, և ես փաստաթղթեր կներկայացնեմ: ԱՄՆ-ի և Թուրքիայի միջև PKK-ի դեմ պայքարելու համաձայանգիր կա, այն գործել է նաև Օբամայի նախագահության օրոք: Սակայն, ցավոք սրտի, նա խաբեց Թուրքիային… հույս ունեմ ԱՄՆ-ի նոր վարչակազմի դիրքորոշումն այլ կլինի»,-ասել է Էրդողանը:
Նրա խոսքով՝ ժամանակն է վերջ դնել PKK-ի և վերջինիս սիրիական ճյուղերի «ահաբեկչական գործունեությանը»: