2016թ. Ռուսաստանը կիբերլրտեսություն է իրականացրել լատվիացի մի շարք քաղաքական գործիչների, լրագրողների, պետական հաստատությունների դեմ: Ինչպես հաղորդում է Delfi-ն, այս մասին հայտարարել է Լատվիայի Սահմանադրության պաշտպանության բյուրոյի ղեկավար Յանիս Մայզիտիսը:
Նրա խոսքով՝ բյուրոն տեղեկատվություն չունի այն մասին, որ լրտեսության հետևանքով Ռուսաստանի կամ արտասահմանյան այլ հատուկ ծառայությունների տրամադրության տակ հայտնվել են նյութեր Լատվիայի մասին, որոնք պետական գաղտնիք են պարունակում:
Նա նաև նշել է, որ Ռուսաստանի լրտեսական գործունեության ակտիվությունը 2016-ին քիչ է տարբերվել 2015թ. և ընդհանուր առմամբ կարելի է գնահատել որպես միջին: