Մարդու ուղեղը մշտական զարգացման, նոր նեյրոնային կապերի ձևավորման կարիք ունի, ինչին կարելի է հասել ուսուցման օգնությամբ։ Համակարգչային խաղերը դրան օգուտ են տալիս, օգտակար են նաև գորշ նյութին՝ նշել են գիտնականները։
Մարդու զարգացման բեռլինյան ինստիտուտի կողմից 2013-ին անցկացված հետազոտության համաձայն՝ տեսախաղերը կարող են բարելավել կողմնորոշումը տարածքում, ռազմավարական պլանավորումը, արձագանքի արագությունը և մեծացնում են կարճաժամկետ հիշողության ծավալները։
Տեսաշարժական համակարգումն ու ռեֆլեքսները նույնպես զգալիորեն բարձր են խաղացողների մոտ՝ համեմատած մարդկանց հետ, ովքեր չեն տարվում խաղերով։ Խաղային կախվածությունից, հատկապես երեխաների մոտ, խուսափելու համար անհրաժեշտ է լցնել նրանց կյանքը ուրախալի պահերով, որպեսզի երեխան չփնտրի դրանք խաղերում։
Խաղերը կարող են սովորեցնել խաղացողին ջանալ, հասնել նպատակին, կրկին փորձել ինչ-որ բան անել։ Համակարգչային խաղերը նաև զարգացնում են օգտատիրոջ կողմից բազմաթիվ հանձնարարություններ կատարելու հմտությունը և խթանում նրա վերլուծական միտքը՝ պատասխանատու դարձնելով նրան սեփական ընտրության համար, սակայն ամեն ինչում պետք է չափն իմանալ՝ գրում է gogetnews.info-ն։
