Առաջիկա խորհրդարանական ընտրություններին ընդառաջ ՀԱԿ-ՀԺԿ դաշինքը ներքաղաքական օրակարգ է բերել ղարաբաղյան հիմնահարցը, և առաջին նախագահն իր վերջին հարցազրույցում կրկին նշել է, որ կարգավորման միակ տարբերակը մադրիդյան սկզբունքների համաձայն՝ հաշտության, խաղաղության պայմանագիր կնքելն է: «Առաջին լրատվական»- ի հետ թեմայի շուրջ զրույցում անդրադառնալով այս դիտարկմանը՝ Արցախի նախկին արտգործնախարար Արման Մելիքյանը նշեց, որ առայժմ Ադրբեջանի հետ խաղաղության պայմանագիր կնքելու նախադրյալներ չի տեսնում:
«Այն, որ Տեր-Պետրոսյանն իր հարցազրույցում անդրադարձ կատարեց արցախյան կարգավորման խնդրին, դա կարևոր է: Մենք տեսնում ենք, որ այսօր քաղական ուժերի մոտ կա կա՛մ մադրիդյան սկզբունքները պաշտպանելու մոտեցումը, որին հակված են ինչպես ՀԱԿ-ՀԺԿ դաշինքը, այնպես էլ ՀՀԿ-ն, կա՛մ քաղաքական ուժերի մոտ ընդհանուր առմամբ դատարկություն է, այսինքն՝ արցախյան խնդրի հետ կապված որոշակի ծրագիր ներկայացրած քաղաքական ուժ ասպարեզում չկա, և կա նաև բավականին ծայրահեղական մոտեցում՝ ընդհուպ Քուռ-Արաքսյան պետություն ստեղծելու գաղափարը, որն ակնհայտորեն պատերազմի մոտեցում է»,- նշեց Ա. Մելիքյանը՝ ընդգծելով, որ ասպարեզում չկա դիվանագիտական, քաղաքական ճանապարհով խնդիրը հարթելու այլընտրանքային տարբերակ:
Նա ընդգծեց, որ իր կարծիքով՝ Լևոն Տեր-Պետրոսյանի հարցազրույցը պետք է սթափեցնող լինի հողատվությանը դեմ հանդես եկողների համար՝ նրանց համար, ովքեր հասկանում են, որ այս իրավիճակում անհարկի զիջողականությունը պարզապես առաջին քայլն է այն քայլերի շարքից, որը մեծագույն սպառնալիքն է դառնալու Արցախի և մեծ հաշվով նաև Հայաստանի գոյության համար:
Մելիքյանի գնահատմամբ՝ Կոնգրես-ՀԺԿ դաշինքի խաղաղասիրական ծրագիրը դատարկ է և սին:
Մանրամասները՝ տեսանյութում:
