Հայաստանի ԱԻՆ-ում, այսօր՝ մարտի 5-ին, ժամը 17:39-ին տեղեկություն է ստացվել, որ Երևան-Սևան ավտոճանապարհի 42-րդ կմ-ին տեղի է ունեցել ավտովթար. անհրաժեշտ է փրկարարների օգնությունը։
Դեպքի վայր է մեկնել մեկ մարտական հաշվարկ:
Պարզվել է, որ Մ-4 ավտոճանապարհի Երևան-Սևան հատվածի 42-րդ կմ-ին բախվել են «Mercedes C180» 34 FT 254 (վարորդ՝ 1991 թ. ծնված Կ. Մ.) և «Toyota Prado» մակնիշի 34 QA 772 համարանիշերի ավտոմեքենաները, ինչի հետևանքով «Mercedes C180» մակնիշի ավտոմեքենան դուրս է եկել ճանապարհի երթևեկելի հատվածից և շրջվել:
Փրկարարներն ավտոմեքենայից դուրս են բերել և շտապօգնության ավտոմեքենային մոտեցրել Կ. Մ.-ին, ով հոսպիտալացվել է Հրազդանի ԲԿ. բժիշկները տուժածի առողջական վիճակը գնահատել են ծանր:
Փրկարարները հոսանքազրկել են «Mercedes» մակնիշի ավտոմեքենան, փակել գազի բալոնի փականը և ուղղել այն: