Հարի Փոթերի մասին ֆիլմերի աստղ Էմմա Ուոթսոնը բրիտանական Elle ամսագրի վարկանիշով արժանացել է «Տարվա կին» հեղինակավոր մրցանակին՝ տեղեկացնում է The Daily Mail-ը:
26-ամյա դերասանուհին այդ մրցանակին է արժանացել կինոյի ասպարեզում իր նվաճումների, ինչպես նաև հանուն գենդերային հավասարության իր պայքարի համար:
2014թ. սկսած՝ Էմման՝ որպես բարի կամքի դեսպան, համառ պայքար է մղում կանանց իրավահավասարության համար:
«Սա այն տարին չէ, որ մենք մեզ կարող ենք թույլ տալ լռել: Սա մի տարի է, որ կանանց ձայները պետք է լսելի լինեն: Ես վստահ չեմ, որ արժանի եմ այդ մրցանակին, բայց կընդունեմ այն: Դա այնպիսի պատիվ է»,- հայտարարել է դերասանուհին բեմի վրա մրցանակը ստանալիս:
