Ռուսաստանը և Վրաստանը չեն կարողանա կարգավորել անայցագիր ռեժիմի սահմանման ընդգրկուն աշխատանքը դիվանագիտական հարաբերությունների բացակայության պայմաններում: «Իզվեստիա» թերթում հրապարակված հարցազրույցում այս մասին հայտարարել է Ռուսաստանի արտաքին գործերի նախարար Սերգեյ Լավրովը:
«Ռուսաստանի և Վրաստանի միջև նման ընդգրկուն աշխատանքն իրատեսական չէ կարգավորել դիվանագիտական հարաբերությունների բացակայությամբ,- ընդգծել Է Լավրովը:- Մենք բաց ենք մնում դրա հետ կապված հարցերի համատեղ համակողմանի մշակման համար»:
Լավրովը նաև հայտնել է երկու երկրների միջև չվերթեր կատարող ինքնաթիռների անձնակազմերի համար՝ ներկայում պատրաստվող այցագրային պարզեցման մասին:
