ԱՄՆ-ը զրահատեխնիկա է տրամադրել արաբական ընդդիմության զինյալներին, որոնք պայքարում են ԴԱԻՇ-ի դեմ: Այդ մասին RIA novosti-ի աշխատակցին ասել է Պենտագոնի ներկայացուցիչ Էդրիան Ռենկին-Հելլոուեյը:
«Զրահամեքենաները տրամադրվել են սիրիա-արաբական կոալիցիային մեր իրավասությունների շրջանակում՝ ներգրավելու համար նրան ԴԱԻՇ-ի դեմ պայքարում: Մասնավորապես դրանք կօգնեն նրանց պայքարելու Ռաքայի ուղղությամբ շարժվելուն զուգահեռ ԴԱԻՇ-ի կողմից կիրառվող ինքնաշեն պայթուցիկների դեմ»,- ասել է նա՝ չհրապարակելով տրամադրաված զրահատեխնիկայի քանակը:
Հիշեցնենք, որ սիրիա-արաբական կոալիցիայի զինյալները արդեն մի քանի ամիս ՝ ամերիկյան օդուժի օգնությամբ հարձակումներ են իրականացնում Սիրիայում ԴԱԻՇ-ի մայրաքաղաքի՝ Ռաքայի վրա:
