Թուրքական Anadolu լրատվական գործակալության փոխանցմամբ՝ Իրաքի արտգործնախարար Իբրահիմ ալ-Ջաֆարին Բեյրութում հանդիպել է Լիբանանի նախագահ Միշել Աունի հետ։
Հանդիպման ժամանակ Ջաֆարին հայտարարել է, որ ԴԱԻՇ-ից Իրաքի երկրորդ խոշոր քաղաք Մոսուլի ազատագրման գործողությունը կավարտվի մեկ ամսում։ Նա ընդգծել է, որ մոտ է ԴԱԻՇ-ի ահաբեկիչներից Իրաքն ամբողջովին ազատագրելու օրը։
Ջաֆարին Լիբանանի նախագահի հետ քննարկել է նաև Արաբական պետությունների լիգայի շրջանակներում երկու երկրների համագործակցության հարցը։ Նա Լիբանանի նախագահին հանձնել է Իրաքի նախագահ Ֆուադ Մասումի հրավերը՝ այցելելու համար Իրաք։
ԴԱԻՇ-ից Մոսուլի ազատագրման գործողությունը մեկնարկել է նախորդ տարվա հոկտեմբերի կեսին։