Բրիտանական Reuters լրատվական գործակալության փոխանցմամբ՝ ՄԱԿ-ի ԱԽ-ը կողմ է արտահայտվել Գամբիայում իշխանությունը նորընտիր նախագահ Ադամ Բառոուին հանձնելուն։
Քվեարկության դրված բանաձևում դատապարտվում է Յայա Ջամեի կողմից պետության ղեկավարի պաշտոնը լքելուց հրաժարվելը և լիակատար աջակցություն է հայտնվում Արևմտյան Աֆրիկայի երկրների տնտեսական հանրության ջանքերին՝ կապված դեկտեմբերի 1-ի ընտրությունների արդյունքներում արտացոլված Գամբիայի ժողովրդի կամքը։
Նիգերիան ու Սենեգալը հայտարարել են, որ պատրաստ են իրենց զորքերը մտցնել Գամբիա Բառոուին աջակցելու համար։ Որոշ տվյալներով՝ նրանք արդեն իսկ մտել են Գամբիայի տարածք։
Գամբիայում քաղաքական ճգնաժամը սկսվեց 2016 թվականի դեկտեմբերի վերջին, երբ երկրի ղեկավար Յայա Ջամեն հրաժարվել է ճանաչել նախագահական ընտրությունների արդյունքները և իշխանությունը հանձնել իր իրավահաջորդին։
Դեկտեմբերի 1-ին Գամբիայում անցկացված նախագահական ընտրությունների արդյունքներով 51-ամյա Բառոուն հավաքել է քվեների 45.5 տոկոսը, իսկ Ջամեն՝ 36.7 տոկոսը։