Եվրոպական Միությունը Հայաստանի համար կարևոր գործընկեր է և խոշոր ներդրող, ուստի Հասյաստանը պետք է համապատասխան վերաբերմունք ցուցաբերի: Ազգային ժողովում կառավարության հետ հարցուպատասխանի ժամանակ այս մասին ասաց ՀՀ վարչապետ Կարեն Կարապետյանը՝ պատասխանելով անկախ պատգամավոր Էդմոն Մարուքյանի հարցին:
«Հայաստանը, անդամակցելով Եվրասիական տնտեսական միությանը, չի սահմանափակել հարաբերությունները Եվրոպական Միության հետ: Մենք որևէ մեկի հետ ընկերություն չենք անում ի վնաս ուրիշի»,- նշեց վարչապետը:
Նա հավելեց, որ ՀՀ կառավարությունը շատ բաց խոսել է Եվրոպական Միության գործընկերների հետ, ովքեր մտավախություն են հնչեցրել, թե ԵԱՏՄ անդամ Հայաստանը կարող է սահմանափակել համագործակցությունը ԵՄ-ի հետ:
