«Օրենքում գրված Վանաձորի ու Գյումրիի քաղաքապետարանների կայքերի հասցեները պետք է հանեք միանգամից, քանի որ հասցեն օրենքում չի կարելի գրել, դա օրենքի նյութ չէ: Կարող է՝ վաղը հինգ հասցե ունենան: Մի քիչ ճկուն է պետք լինել. կայքը փոխելու համար պետք է օրենքի փոփոխության համար գաք նորից ԱԺ: ԱԺ այսօրվա նիստում «Տեղական ինքնակառավարման մասին» օրենքում փոփոխություններ կատարելու մասին նախագծի քննարկման ժամանակ, դիմելով հիմնական զեկուցող ՏԿԱԻՆ տեղակալ Վաչե Գաբրիելյանին, այս մասին ասաց ԱԺ ՀԱԿ խմբակցության քարտուղար Արամ Մանուկյանը:
Անդրադառնալով հիմնադրամներին՝ պատգամավորը նշեց. «Դառը փորձ ունենք այդ մասով. հիմնադրամները հանեք: Օրինակ՝ Երևանի հիմնադրամը խայտառակություն է՝ կոռուպցիայի մեծ աղբյուր է. ցանկացած մարդ, փոքր տնակ քանդելու համար, մինչև այդ հիմնադրամի թրի տակով չանցնի, չի կարող թույլտվություն ստանալ»:
Արամ Մանուկյանը նաև ընդգծեց, որ տեղական ինքնակառավարման ուժեղացումը Հայաստանի համար ազգային անվտանգության խնդիր է:
Մանրամասները՝ տեսանյութում: