Հատկապես ՀՀԿ համագումարից հետո ինձ հասկանալի են այս բուռն կրքերը, ինչևէ: Տպավորություն ստեղծվեց, թե ԲՀԿ-ն լիբերալ չէ, ոչ, այդպես չէ,- այս մասին «Կուսակցությունների մասին» օրենքի նախագծի քննարկմանն իր ելույթում ասաց ԲՀԿ խմբակցության ղեկավար Նաիրա Զոհրաբյանը:
«Ուզում եք՝ այնքան հեշտացրեք գրանցումը, որ եթե երկու հոգի վետերոկում հանդիպեն ու որոշեն կուսակցություն բացել, անգամ գրանցման պահանջ չլինի: Թող բացեն, բայց հիշեք, որ այդ մարդ-կուսակցությունները հետո պրոբլեմ են դառնում քաղաքական կյանքի համար՝ վագոնչիկի նման կցվելով այս կամ այն կուսակցությանը: Մեկ հոգին թող հայտարարի, որ ինքը մտքի գիգանտ է, որ ավելին արժե, քան երեսուն հազար անդամ ունեցող կուսակցությունը, թող գրանցի իր բնակարանի հասցեով, գրասենյակ էլ թող չունենա. եկեք մեծացնեք կուսակցությունների թիվը»,- ընդգծեց ԲՀԿ խմբակցության ղեկավարը:
Նաիրա Զոհրաբյանի դիտարկմամբ` ՀՀԿ անդամները պաշտոնական դիրքը չարաշահում են կուսակցության շահերի համար։ «Նոյեմբերի 25-ի լույս 26-ի գիշերը 7 հազար գազի աշխատակիցների մոտ տրանսֆորմացիա տեղի ունեցավ, մարդիկ հասկացան, որ պետք է դառնան ՀՀԿ-ական։ Նժդեհի հետևորդնե՛ր, ըմբռնումով ենք մոտենում. նրանց մոտ մեկ գիշերում բռնկում եղավ առ Նժդեհ: Միգուցե դա Կարեն Կարապետյանի նվերն էր՝ ՀՀԿ-ական դառնալու առթիվ»:
Մանրամասները` տեսանյութում: