Այս գիշեր իր տան մոտ վնասել են «Սիվիլնեթ» կայքի օպերատոր Սարգիս Խարազյանի մեքենան: Խարազյանը երեկոյան մեքենան կայանել է իրենց շենքի բակում՝ նորմալ վիճակում, իսկ առավոտյան ժամը 08.00-ին մեքենան հայտնաբերել է վնասված՝ ապակիները ջարդված, անվադողերը՝ պատռված։
Սարգիս Խարազյանը հաղորդում է ներկայացրել ոստիկանություն, եկել են, փորձագետը զննել է, գույքին վնաս հասցնելու հատկանիշով գործ է հարուցվել:
Սարգիս Խարազյանը կարծում է, որ այս հանցագործությունը կապված է իր մասնագիտական գործունեության հետ, նա ակտիվ լուսաբանել է «Սասնա ծռեր»-ի և Սարի թաղի իրադարձությունները. «Ես ֆիքսել եմ քաղաքացիական հագուստով որոշ մարդկանց դեմքերը, ՀՔԾ-ում անցնում եմ որպես վկա, հնարավոր է սա նախազգուշացում է»։ Ս. Խարազյանը նշեց նաև, որ Անդրիաս Ղուկասյանի գործով որպես վկա է անցնում, կարծում է, որ հնարավոր է նաև դրա հետ կապված լինի:
Օպերատորի կարծիքով՝ հավանաբար այն մարդիկ են արել, ովքեր հուլիսյան իրադարձությունների օրերին հայտնվել են իր տեսախցիկի տեսադաշտում:
Մանրամասները՝ տեսանյութում:
