Վերաքննիչ քրեական դատարանը մերժեց Ժիրայր Սեֆիլյանի կալանքի ժամկետի երկարացման դեմ ներկայացված վերաքննիչ բողոքը։ Դատարանի որոշումը կբողոքարկվի: Այս մասին դատական նիստի ավարտին լրագրողների հետ զրույցում ասաց Սեֆիլյանի փաստաբաններից Արա Զաքարյանը:
Հիշեցնենք, որ ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործով 2016թ. հունիսի 22-ին Ժիրայր Սեֆիլյանին մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասով, այն է՝ ապօրինի կերպով զենք, ռազմամթերք, պայթուցիկ նյութեր ձեռք բերելը, իրացնելը, պահելը, փոխադրելը կամ կրելը, որոնք կատարվել են մի խումբ անձանց կողմից՝ նախնական համաձայնությամբ։
Ժիրայր Սեֆիլյանի նկատմամբ երկամսյա կալանք էր կիրառվել հունիսի 2-ին: