Վերաքննիչ քրեական գործերով դատարանի որոշմամբ «Ժառանգություն» կուսակցության անդամ Դավիթ Սանասարյանը ազատ արձակվեց 1.5 մլն դրամ գրավի դիմաց: Այսպիսով, Վերաքննիչ դատարանը բավարարել է Սանասարյանի փաստաբանների միջնորդությունը, որին մինչ այդ տեղի ունեցած նիստում դատախազը առարկել էր:
Դավիթ Սանասարյանը լրագրողների հետ զրոււյցում ասաց, որ ինչպես իրեն կալանավորելու որոշումն էր քաղաքական, այնպես էլ ազատ արձակման որոշումն է քաղաքական, չնայած կալանքը գրավով փոխարինելու որոշում կայացրած դատավորի մասին շատ դրական բաներ է լսել:
«Ընդդիմադիր դաշտը մոնոլիտ չէ, հետևաբար իմ գնահատականն էլ ընդդիմադիր դաշտի վերաբերյալ մոնոլիտ չէ: Իմ կոչը միշտ եղել է այն, որ ընդդիմադիրները միշտ փորձեն թիրախավորել ոչ թե իրար, այլ իշխանություններին»,- նշեց Դ. Սանասարյանը՝ անդրադառնալով Արմեն Մարտիրոսյանի – Նիկոլ Փաշինյան «մարտ»-ի վերաբերյալ հարցին: Նա նաև հավելեց, որ այս փոադարձ մեղադրանքները կարող են անընդհատ շարունակվել, բայց դրանից օգտվում է Սերժ Սարգսյանը:
«Քաղաքական ընդդիմությունը թող ունենա տարբեր թևեր, տարբեր ուժեր, բայց ոչ թե իրար քարնետումներ անեն, այլ իշխանությունն է մեր հիմնական թիրախում: Կարող ենք իրար պատասխանել՝ մեկս մի քիչ լավ, մեկս մի քիչ վատ, բայց դրանից Հայաստանի քաղաքացին չի օգտվում»,- նշեց Դ. Սանասարյանը:
Նրա դիտարկմամբ՝ շարժման ալիքը չի մարել, իսկ «Սասնա ծռեր»- ը պատմության էջերում մնալու են որպես Հայաստանում փոփոխությունների սկիզբ դրած խենթ քաղաքացիներ:
Մանրամասները՝ տեսանյութում:
