Թուրքական T24 առցանց թերթի փոխանցմամբ՝ Ստամբուլի դատարանը որոշել է կալանքից ազատ արձակել 758 զինվորականի, որոնց ձերբակալել են ռազմական հեղաշրջման փորձին մասնակից լինելու կասկածանքով։ Նրանց թվում հայտնվել են նաև ռազմական վարժարանների կուրսանտները։
Այդ անձինք ազատ են արձակվել ցուցմունքներ տալուց հետո։ Ընդհանուր առմամբ դատարանը քննել է 989 զինվորականի գործ, որոնցից 231-ը կմնան կալանքի տակ։
Այդպիսով՝ ռազմական հեղաշրջման փորձից հետո Թուրքիայում կալանավորված զինվորականների թիվը նվազեց մինչև 1531, որոնցից 16-ը գեներալներ ու ծովակալներ են։