«Սա զինված ապստամբություն է, որի մեղքը հիմնականում իշխանության գործելակերպն է: Այսինքն՝ ժողովուրդը, հասարակությունը վաղուց արդեն փոփոխությունների հասնելու, կյանքը բարելավելու այլ ելք չի տեսնում»,- «Առաջին լրատվական»-ի հետ զրույցում այսպես գնահատեց երևանյան վերջին իրադարձությունները «Քրիստոնեա-ժողովրդական վերածնունդ» կուսակցության նախագահ Սոս Գիմիշյանը:
Մեր զրուցակիցը համոզված է, որ զինված ապստամբության միջոցով արդյունքները հիմնականում լինում են բացասական՝ նույնիսկ եթե հաջողվում է փոխել իշխանությունը. «Շատ կարևոր է, որ այդ ապստամբությունը լիներ զուտ հայկական, ոչ մի դեպքում դրսից չուղղորդվեր, չնմանվեր գունավոր հեղափոխությունների: Ես տեսնում եմ դրսի ուժերի կողմից կառավարվող ինչ-ինչ էլեմենտներ»:
Սոս Գիմիշյանը այս քայլը ընդունելի կհամարեր միայն այն դեպքում, եթե նպատակը լիներ Հայաստանում իրավիճակի բարեփոխումը, երկրի ամրապնդումը, ժողովրդի վիճակի բարելավումը: Այնուամենայնիվ, նա համարում է, որ այս տղաների քայլերը չէին կարող հանգեցնել իշխանափոխության. «Մինչ այս քայլերը՝ պետք էր ժողովրդի հետ լեզու գտնել, ձեռք բերել նրա վստահությունը, քանի որ առանց հասարակության ոչինչ չի ստացվի: Իսկ այժմ ակնհայտ է, որ ժողովուրդը իրենց չի վստահում»:
Մանրամասները՝ տեսանյութում: