Վարչական դատարանում, դատավոր Անի Հարությունյանի նախագահությամբ, այսօր տեղի է ունեցել Շանթ Ոսկերիչյանն՝ ընդդեմ ԱԱԾ-ի գործով դատական հերթական նիստը:
«Հայկական վերածնունդ» կազմակերպության Փարիզի մասնաճյուղի համակարգող Շանթ Ոսկերիչյանը, ում պաշտոնական անունը Ժեան Օզքիրիսյան է, դեռևս անցյալ տարվա մայիսին փորձել էր Փարիզից Երևան ժամանել, սակայն իրավապահները նրան 12 ժամ հարկադրաբար պահել էին «Զվարթնոց» օդանավակայանում, ապա հետ ուղարկել: Հետագայում ԱԱԾ-ն պարզաբանել էր, որ անցանկալի համարվող օտարերկրացիների տվյալների բանկում արդեն այս տարի՝ ապրիլի 25-ին Ոսկերիչյանի անունը հանվել է Հայաստան մուտք գործելու իրավունք չունեցող անձանց ցանկից։
Ոսկերիչյանի շահերի ներկայացուցիչները ԱԱԾ-ից պահնաջում են ներկայացնել այն ապացույցները , ըստ որոնց՝ Ոսկերիչյանը սպառնալիք էր ներկայցնում Հայաստանի համար և չէր կարող մուտք գործել։ Սակայն ԱԱԾ-ն մերժում է՝ հղում անելով ՀՀ օրենքի 41-րդ հոդվածի 1-ին մասի համաձայն, ըստ որի ՝ «օպերատիվ-հետախուզական միջոցառումների արդյունքների մասին տեղեկությունները հանդիսանում են պետական գաղտնիք և հրապարակման ենթակա չեն։ Գորոծով դատավճիռը կհրապարկվի հուլիսի 26-ին։
Մանրամասները՝ տեսանյութում: