Նրանց ջոկատը «Հրեշտակների ջոկատ» էր կոչվում,- պատմում է 20-ամյա սերժանտ Ադամ Սահակյանի մայրը՝ Գոհար Անտոնյանը և հավելում՝ իսկապես նա որտեղ լինում էր, այնտեղ խաղաղություն էր, հարմոնիա, այդ մասին են վկայում նաև ծառայակից ընկերները և սպաները:
Սերժանտ Ադամ Սահակյանը ընկերների հետ մինչև վերջ հերոսաբար պայքարել է ԼՂՀ Ջաբրայիլի մարտական դիրքում, որպեսզի թույլ չտա թշնամուն ներթափանցել մեր տարածք: Թշնամուն զգալի կորուստներ պատճառելով՝ նա անհավասար մարտում ընկել է հերոսի մահով:
«Առանց նրա, առանց իր գույների թվում է, թե անհնարին է ապրելը, -ասում է հերոսի մայրը,- բայց իր և իր ընկերների կատարած առասպելական հերոսությունը, այն արձագանքը, որ կա իր անվան շուրջ և աննկարագրելի սերը նրա հանդեպ ինձ ապրեցնում է, ուժ է տալիս, որ կարողանամ ապրել, իր մասին խոսել»:
Մանրամասները՝ տեսանյութում: