Ադրբեջանի և Եվրամիության համագործակցության փաստաթուղթը գտնվում է քննարկման փուլում, երեքշաբթի RIA Novosti-ին հայտարարել է ԱԳՆ մամլո ծառայության ղեկավար Հիքմեթ Գաջիևը:
Ադրբեջանը 2008 թվականից մասնակցում է ԵՄ «Արևելյան գործընկերություն» ծրագրին` ստեղծված Շվեդիայի և Լեհաստանի նախաձեռնությամբ և հաստատված ԵՄ գագաթնաժողովում: Ծրագրում դիտարկվում է նախկին խորհրդային հանրապետությունների հետ քաղաքական փոխազդեցության մակարդակի բարձրացում, ԵՄ տնտեսության հետ լայն ինտեգրացիա` նրանց տրամադրվող ֆինանսական օգնության ծավալի մեծացմամբ և էներգետիկ անվտանգության ուժեղացմամբ:
«Բրյուսելում վերջին հանդիպման ժամանակ Ադրբեջանի ԱԳ նախարար Էլմար Մամեդյարովը ելույթ է ունեցել Ադրբեջանի և ԵՄ հարաբերությունների հեռանկարների մասին: Իր ելույթում նախարարը հերթական անգամ նշել է, որ ադրբեջանական կողմը ԵՄ դիտարկմանն է ներկայացրել «Ռազմավարական գործընկերության համաձայնությունը» փաստաթուղթը, որը կնպաստի հարաբերություններին որակապես նոր մակարդակում»,- հայտնել է Գաջիևը:
Մամլո ծառայության տվյալներով` համաձայնությունը գտնվում է Եվրամիության դիտարկման փուլում: Ինչպես նշել է Գաջիևը՝ «Ռազմավարական գործընկերության համաձայնությունը» համաձայնեցումից հետո կարող է կարևոր դեր խաղալ ԵՄ-ի հետ հարաբերությունների զարգացման մեջ:
