ԵՄ-ն ծրագրում է գործարք կնքել լիբիական նոր կառավարության հետ՝ Հյուսիսային Աֆրիկայից Եվրոպա փախստականների ներխուժումը կանխելու համար։ Այս մասին հայտնում է Spiegel Online-ը՝ հղում անելով ներքին 17-էջանոց փաստաթղթին, որը Եվրոպական արտաքին քաղաքական ծառայությունը վաղուց տարածել է միության անդամ երկրներին։
Փաստաթղթում նկարագրվում է, թե ինչպես կարող են Լիբիայի իշխանությունները կանգնեցնել ծովով ներգաղթյալների վերաուղարկումն Իտալիա։ ԵՄ-ի հետ սերտ համագործակցությամբ առաջարկվում է ստեղծել փախստականների ու ներգաղթյալների ընդունման ժամանակավոր ճամբարներ։
ԵՄ-ն ելնում է այն բանից, որ ներգաղթալների թիվը, որոնք ամռանը կուղևորվեն Լիբիայից Իտալիա Միջերկրական ծովով, կարող է կազմել 200-500 հազար։
Այսօր Գերմանիայի ներքին գործերի նախարար Թոմաս դե Մեզիերը լրագրողների հետ հանդիպմանն ասել է, որ կառավարությունն անհանգստանում է այս ամռանը Լիբիայից ներգաղթյալների հոսքի ենթադրյալ մեծացման պատճառով։
