Ադրբեջանական Trend լրատվական գործակալության փոխանցմամբ՝ ԱՄՆ-ում Ադրբեջանի դեսպանատանը հանձնարարվել է պարզել ԱՄՆ պետդեպարտամենտի պաշտոնական ներկայացուցիչ Վիկտորյա Նուլանդի դերը ԵԽԽՎ-ում ԼՂ-ի վերաբերյալ բանաձևի չընդունման հարցում։ Այդ մասին Բաքվում Շվեդիայի արտգործնախարար Մարգոտ Վալստրեմի հետ համատեղ մամուլի ասուլիսի ժամանակ հայտարարել է Ադրբեջանի արտգործնախարար Էլմար ՄամեդյարովԸ:
«Մեր դիվանագիտական ներկայացուցչությունը աշխատանքներ է իրականացնում Կոնգրեսի ու Սպիտակ տան հետ։ Այդ աշխատանքի արդյունքներով էլ կտարածվի ավելի հանգամանալից տեղեկատվություն»,- ասել է նա։
Ավելի վաղ ամերիկացի կոնգրեսական Ադամ Շիֆը հայտարարել էր, որ Վիկտորյա Նուլանդը դերակատարություն է ունեցել նրանում, որ ԵԽԽՎ-ն հունվարի 26-ին չի հաստատել ԼՂ-ի վերաբերյալ երկրորդ բանաձևը։
Խոսքը բրիտանացի պատգամավոր Ռոբերտ Ուոլթերի հեղինակած «Բռնությունների աճը Լեռնային Ղարաբաղում և Ադրբեջանի մյուս գրավյալ տարածքներում» զեկույցի մասին է։