Իսպանիայի քաղաքացիական գվարդիան շաբաթ օրը` նոյեմբերի 28-ին, ձերբակալել է 3 մարդու, որոնք կասկածվում են ԴԱԻՇ ահաբեկչական կազմակերպության հավաքագրման մեջ: Այս մասին գրում է Korrespondnet.net-ը` վկայակոչելով Իսպանիայի ՆԳՆ-ին:
Նշվում է, որ խոսքը երկու տղամարդու (երկուսն էլ ծագումով Մարոկոյի Թանժեր քաղաքից) և մեկ կնոջ (ծագումով Գրանոլերս քաղաքից, նահանգ Բարսելոնա) մասին է: Օպերացիան իրականացվել է միաժամանակ և Բարսելոնայում, որտեղ վերջերս ապրում էին երկու կասկածելի մարոկացիները , և Գրանոլերսում:
Ոստիկանության տվյալներով` նրանք տարբեր սոցիալական կայքերի միջոցով տարածել են ԴԱԻՇ-ի ծայրահեղական գաղափարները և համակիրներ փնտրել հակամարտությունների գոտիներ ուղարկելու համար, հիմնականում` կանանց շրջանում:
Իրավապահները նշում են, որ հավաքագրողներն իրենք ևս պատրաստվել են հակամարտության գոտիներ մեկնել, մասնավորապես` ձերբակալված կինը պատրաստվում էր մեկնել Աֆղանստան:
Առաջիկայում իրավապահները ցուցմունք կվերցնեն ևս 4 մարդուց` կապված ձերբակալվածների հետ:
