Thursday, 09 05 2024
14:15
Բելառուսը կմիանա Ռուսաստանին ոչ ռազմավարական միջուկային զենքի կիրառման փորձարկման զորավարժություններին
14:00
Live. «Առաջին լրատվական» տեղեկատվական-վերլուծական կենտրոն
Բագրատ արքեպիսկոպոսը կոչով դիմեց Վահե Ղազարյանին
Մենք գալիս ենք մեր հարցերի պատասխանները ստանալու. Սրբազան
ՌԴ-ն նախազգուշացրել է ԱՄՆ-ին և Արևմուտքին
Բողոքի ակցիաների ընթացքում հանցավոր արարքների կատարման համար քրեական հետապնդում է հարուցվել 16 անձի նկատմամբ
Նախագահը հանդիպել է «Սինոփսիս» ընկերության նախագահ Սասին Ղազիի հետ
Ցանկացած հանցավոր ոտնձգություն անվերապահորեն հանգեցնելու է քրեական պատասխանատվության․ ՔԿ
Բագրատ Սրբազանի առաջնորդած երթը Աբովյանից շարժվում է դեպի Երևան
13:15
Նավթի գներն աճել են- 08-05-24
Ուղիղ. Բագրատ սրբազանի գլխավորած երթը մոտենում է Երևանին
Զգացական վայրիվերումների թոհուբոհի մեջ կենսականորեն անհրաժեշտ է, որ ազգովի զգաստ լինենք․ ՌԱԿ հայտարարությունը
Հայերը՝ խորհրդա-ճապոնական պատերազմում (1945 թ.)
Բողոքի ակցիաների մասնակից մի խումբ անձանց կողմից ապօրինի զենք ձեռք բերելու և պահելու կասկածանքով 2 անձ է ձերբակալվել
ՀՀ կառավարությունը կարևորում է միջազգային հեղինակավոր թանգարանների հետ համագործակցությունը
Էկոնոմիկայի նախարարը մայիսի 9-15-ը գտնվելու է ԱՄՆ-ում
Մեր պարտքն է անձնվիրաբար պաշտպանել և պահպանել մեր պետության անկախությունը․ նախագահ
Խոնարհում մեր բոլոր նահատակների հիշատակին․ Տիգրան Ավինյան
ՀՀ մի շարք մարզերում տեղակայված ռուս սահմանապահ և զինվորական կետերը դուրս կգան
Մոսկվայում մեկնարկել է Հաղթանակի օրվան նվիրված շքերթը
Էրդողանի ակնկալիքը Ալմաթիից, եւ Երեւանի ինտրիգը
Վարչապետի խոսնակի անունով տելեգրամյան ալիքը որևէ կապ չունի ինձ հետ․ Նազելի Բաղդասարյան
ՆԳՆ-ն այսօր կայանալիք հավաքի մասնակիցներին հորդորում է խստորեն պահպանել հասարակական կարգը
Կստեղծվի դատավորների գնահատման անկախ մարմին
Աղձք բնակավայրի հարակից հատվածում իրականացվելու են պայթեցման աշխատանքներ
Կիրանցի ու Ոսկեպարի բնակիչներն ավելին ստացան, քան ակնկալում էին․ Բաբկեն Թունյան
ՀՀ նախագահն ընդգծել է Սփյուռքի անփոխարինելի դերն ու նշանակությունը
Նիկոլ Փաշինյանն ու բարձրաստիճան պաշտոնյաները անմար կրակի մոտ ծաղիկներ են խոնարհում
ԱԱԾ-ն հորդորում է «Տավուշը հանուն հայրենիքի» շարժման աջակիցներին չոտնձգել իրավակարգի դեմ
Ստեփանծմինդա-Լարս ավտոճանապարհը բաց է

«Էրդողանը կփորձի դե ֆակտո լինել Թուրքիայի Պուտինը». Թուրք քաղաքագետ

«Եթե Թուրքիան վերադառնա Եվրամիության հետ բանակցությունների գործընթացին, մենք կարող ենք նոր, դրական տեղաշարժի հույս ունենալ հայ-թուրքական հարաբերությունների կարգավորման գործընթացում»:

«Առաջին լրատվական»ի զրուցակիցն է թուրք քաղաքագետ, միջազգայնագետ, Թուրքիայի ներքին ու արտաքին քաղաքականության հարցերով փորձագետ, սյունակագիր Ալի Յուրթագյուլը: Քաղաքագետը հարցազրույցում անդրադարձավ ոչ միայն հայ-թուրքական հարաբերություններին, այլև Ռեջեփ Թայիփ Էրդողանի հետագա ծրագրերին, Թուրքիայի խորհրդարանական ընտրություններից հետո երկրում ստեղծված ներքաղաքական իրադրությանը, կառավարման համակարգում և արտաքին քաղաքականության մեջ սպասվող հնարավոր փոփոխություններին:

Պարոն Յուրթագյուլ, Ձեր կարծիքով՝ նախագահ Էրդողանը էական փոփոխություններ կանի՞ Թուրքիայի ներքին և արտաքին քաղաքականության մեջ վերջին խորհրդարանական ընտրություններից հետո, որի արդյունքում «Արդարություն և զարգացում» կուսակցությունը բացարձակ մեծամասնություն ստացավ Մեջլիսում:

– Ես չեմ կարծում, թե նա արմատապես կփոխի արտաքին քաղաքականությունը: Նա փոխել է արտաքին քաղաքականությունը վերջին երեք տարիներին, և հիմա բոլորը հասկանում են, որ դա օգուտ չբերեց Թուրքիային: Պետք է ասեմ, որ Թուրքիան ոչ միայն մեկուսացված է սիրիական հարցում և Արաբական աշխարհում, այլև լավ վիճակում չեն ԱՄՆ-ի և Եվրամիության հետ հարաբերությունները:

Նա անկասկած կփոխի Թուրքիայի ներքին կառուցվածքը: Նա ցանկանում է Թուրքիան նմանեցնել Ռուսաստանի, ոչ թե Ֆրանսիայի կամ Ամերիկայի նախագահական համակարգին: Էրդողանը ցանկանում է նմանվել Պուտինին, բայց կարծում եմ՝ իր մոտ չի ստացվի: Նա դե ֆակտո կօգտագործի իր վերջին հաջողությունը ընտրություններում՝ քաղաքական կյանքում գերիշխող դիրք գրավելու համար: Բայց դա չի ուժեղացնի Էրդողանին. նա կպարտվի՝ ինչպես հունիսի 7-ի ընտրություններին: Էրդողանն ուզում է փոխել համակարգը՝ իրեն շրջապատող կոռուպցիան կառավարելու համար: Թուրքիան կանգնած է երկընտրանքի առաջ՝ լինել ժողովրդավարական պետություն օրենքի իշխանությամբ, կամ երկիր, որտեղ գերիշխում է կիսաբռնատիրական օրիենտալիզմը: Թուրքիան կիսաբռնատիրական տնտեսություն ստեղծելու համար չունի տնտեսական այն աղբյուրները, ինչ Ռուսաստանը կամ Իրանը, որոնց տնտեսությունը հիմնված է նավթի և գազի վաճառքի եկամուտների վրա:

– Շատ վերլուծաբաններ հիմա ասում են, թե Թուրքիան ժողովրդավարական պետությունից շարժվում է դեպի ավտորիտար կամ տոտալիտար պետություն: Ամերիկյան պարբեականներից մեկը նաև գրեց, որ ընտրությունների այսպիսի արդյունքները կարելի է համարել, այսպես կոչված, «թուրքական մոդելի» վերջը, երբ Թուրքիան օրինակ էր Արևմուտքի աչքերում՝ որպես չափավոր իսլամական, ժողովրդավարական երկիր իսլամական մյուս երկրների համար: Ինչպե՞ս կմեկնաբանեք այս տեսակետը:

– Անկասկած, Թուրքիայում բանավեճերն ընթանում են դեմոկրատիայի և բռնատիրության հարցերի շուրջ: Բայց այդ խնդիրը կար նաև նախորդ ընտրություններից առաջ: Էրդողանը գերիշխում էր հունիսի 7-ի ընտրություններին և պարտվեց: Նոյեմբերի 1-ի ընտրություններն անցան առանց նրա, և ԱԶԿ-ն կրկին հաղթեց: Նախագահական համակարգին անցնելու հարցը չի եղել վերջին ընտրական քարոզարշավում: Նախագահական համակարգը մեծամասնություն չունի անգամ ԱԶԿ-ում: Ես չեմ կարծում, թե նոյեմբերի 1-ին քաղաքացիները քվեարկել են ավտորիտար համակարգի օգտին: Էրդողանը կփորձի դա մեկնաբանել իր ուզած ձևով, բայց արդյոք նա կհասնի՞ հաջողության: Ես լիահույս չեմ այդ հարցում:

– Այսինքն՝ խորհրդարանում ստացած մանդատները բավարար չե՞ն Էրդողանին Սահմանադրությունը փոխելու և անձնիշխանություն հաստատելու համար:

– ԱԶԿ-ն այժմ խորհրդարանում ունի 317 պատգամավոր և պարզ մեծամասնություն: Սահմանադրական մեծամասնությունը 369 մանդատ է պահանջում: Էրդողանը չունի անհրաժեշտ 330 ձայները սահմանադրական փոփոխությունների հարցը համաժողովրդական հանրաքվեի դնելու համար: Դժվար թե նա գնա հանրաքվեի ճանապարհով, որովհետև կպարտվի: Այնպես որ՝ մեզ սպասվում է մի շրջան, որի ընթացքում Էրդողանը կփորձի դե ֆակտո լինել Թուրքիայի Պուտինը՝ առանց Սահմանադրությունը փոխելու: Նա այս Սահմանադրությունից էլ առանձնապես դժգոհ չէ:

– Ե՞րբ պիտի սպասենք առաջընթացի Հայաստան-Թուրքիա հարաբերությունների կարգավորման գործընթացում: Կարծում եք՝ Էրդողանը քայլ կանի՞ Հայաստանին ընդառաջ:

– Թուրք-հայկական հարաբերություններում ավելի շատ ձմեռային եղանակ է, քան գարնանային: Միգուցե Էրդողանը միակ պատասխանատու դերակատարը չէ, բայց ամեն դեպքում ամենակարևորներից մեկն է: Կարծում եմ՝ սա կախված կլինի Թուրքիայի արտաքին հարաբերությունների զարգացումից: Եթե Թուրքիան վերադառնա Եվրամիության հետ բանակցությունների գործընթացին, մենք կարող ենք նոր, դրական տեղաշարժի հույս ունենալ հայ-թուրքական հարաբերությունների կարգավորման գործընթացում: Բայց «եղանակը» Կովկասում և Կովկասի հյուսիսային լանջերին նույնպես ցուրտ է: Հայաստան-Եվրամիություն հարաբերություններն այժմ այնքան էլ լավ չեն զարգանում: Ձեր երկիրը հետևում է Պուտինի նոր օրակարգին:

– Ինչպե՞ս կարող են սիրիական ճգնաժամը և նաև թուրք-քրդական կամ Թուրքիա-PKK հակամարտությունը ազդել հայ-թուրքական հաշտեցման հեռանկարի վրա:

– Ժողովուրդների դեմոկրատական կուսակցության (HDP) հաջողությունը վերջին երկու ընտրություններին նոր պատուհան է բացում Թուրքիայի քաղաքականության համար: Քրդստանի բանվորական կուսակցությունը (PKK) միակ դերակատարը չէ, կարևորներից մեկն է, բայց լուծման միակ հասցեատերը չէ: PKK-ն նոր քաղաքական տարածություն է ստացել Սիրիայում և կպայքարի այն պաշտպանելու համար: Վճռորոշ կլինի այն, թե ինչ վիճակում կլինի Սիրիան պատերազմից հետո՝ միացյա՞լ, թե՞ մասնատված: Թուրքիայում խաղաղության հաստատումը նոր դրական տեղաշարժերի հնարավորություն կտա, իսկ պատերազմը միայն բացասաբար կազդի հարաբերությունների վրա:

– Որքանո՞վ եք հնարավոր համարում Թուրքիայի ներսում անկախ կամ ինքնավար քրդական պետության ստեղծումը մոտ ապագայում:

– Անկախ պետություն չի լինի: Նկատի ունեմ՝ այսօր որևէ լուրջ քայլ չի արվում անկախ Քրդստան ստեղծելու ուղղությամբ: PKK-ն նախընտրում է մարզային կառույցները՝ խուսափելով նույնիսկ «դաշնություն» հասկացությունը կիրառելուց: Ես հավատում եմ, որ Թուրքիան կանցնի ռեգիոնալիստական քաղաքականության՝ ոչ միայն քրդական հարցը լուծելու, այլև արդյունավետ պետական կառուցվածք ունենալու նպատակով: Թուրքիան չափից ավելի մեծ է ցենտրալիզմի համար:

– Տարածաշրջանային ներկայիս վիճակը թույլ տալի՞ս է Անկարային ակտիվանալ Լեռնային Ղարաբաղի հակամարտության կարգավորման գործընթացում:

– Անկարան շատ իմաստուն քայլ կանի, եթե այդպես վարվի, բայց Լեռնային Ղարաբաղի խնդրի լուծման բանալին Անկարայում չէ: Այդ բանալին Երևանում է: Եթե այս հիմնախնդիրը լուծելու տրամադրությունները և խաղաղության ոգին գերիշխող դառնան Հայաստան-Ադրբեջան հարաբերություններում, Թուրքիան կաջակցի այդ գործընթացին: Խաղաղությունը Կովկասում համապատասխանում է Թուրքիայի շահերին:

Բաժիններ
Ուղիղ
Լրահոս
Որոնում