Anonymous-ի ցանցահենները կոտրել են ԴԱԻՇ-ը պրոպագանդող կայք և տեղադրել են հանգստանալու և առցանց դեղատան կայք անցնելու խնդրանքով հաղորդագրություն: Այս ամսին հայտնում է Independent-ը:
Կայքը սովորական բրաուզերով հայտնաբերել հնարավոր չի եղել: Սակայն դա չի կանգնեցրել այն կոտրած ցանցահեններին: Նրանց թողած հաղորդագրության մեջ եղել են խոսքեր այն մասին, որ այնտեղ «չափազանց շատ ԴԱԻՇ» է եղել: Ցանցահենները նաև առցանց դեղատան հղում են թողել, որտեղ բիթկոիններով հնարավոր է դեղամիջոցներ ձեռք բերել, որոք սովորաբար վաճառվում են միայն դեղատոմսով: Աղբյուրը նշում է, որ, ըստ ամենայնի, առցանց դեղատունն ուղղակիորեն կամ անուղղակի կերպով կապ ունի այդ ցանցահենների հետ: