Հետազոտությունները նոր մանրամասներ են բացահայտել օրգանիզմի վրա աղի ազդեցության վերաբերյալ, հայտնում է woman-talk.com-ը:
Մասնավորապես պարզվել է, որ աղի ամենամեծ բաժինն օրգանիզմ է ընկնում վերամշակված մթերքների միջոցով, որոնք իրենց համով բոլորովին աղի չեն: Այդ մասին հրապարակված է American College of Cardiology պարբերականում:
Այնտեղ բերված է տարբեր լաբորատորիաներում կատարված անալիզների տվյալներ: Ըստ դրանց արդյունքների` մարդկանց կարելի է պայմանականորեն բաժանել 2 խմբի․ առաջին խմբի մոտ աղի ավելցուկից ճնշումը փոխվում է, մյուսինը՝ մնում է նույնը:
Սակայն հետազոտողներն ապացուցում են, որ անկախ այդպիսի բաժանումից, աղը նաև վնասում է շատ կարևոր ներքին օրգաններ: Աղն ազդում է արյունատար անոթների աշխատանքի, արյան մակարդելիության, խցանումների առաջացման և իմունային համակարգի վրա: Վատ են աշխատում նաև երիկամները, վնասվում է սիմպատիկ նյարդային համակարգի այն մասը, որը պատասխանում է սթրեսների համար:
Տնային պայմաններում աղը կարելի է փոխարինել խոտաբույսերով և համեմունքներով: