Ըստ գիտնականների՝ սմարթֆոններն ու ժամանակակից այլ սարքերը բացասաբար են ազդում զույգերի սեռական կյանքի վրա, հայտնում է rosbalt.ru-ն:
Նրանք 25-30 տարեկան տարբեր սեռի ներկայացուցիչների հարցրել են, թե ազդե՞լ է արդյոք սարքը իրենց սեռական կյանքի վրա: Պարզվել է, որ շատերը նկատել են, որ իրենց մոտ բջջային հեռախոս հայտնվելուց հետո սկսել են ավելի հազվադեպ զբաղվել սեքսով:
Հարցվածների ավելի քան 60%-ն ասել է, որ հեռախոսն իր հետ տանում է ննջարան և զուգընկերոջ հետ շփվելու փոխարեն մտնում է համացանց: Նույնը կարելի է ասել պլանշետների, հեռուստացույցների և համակարգիչների մասին, որոնք կարող են զուգընկերոջ հանդեպ հետաքրքրությունը կորցնելու պատճառ դառնալ:
Փորձագետները խորհուրդ են տալիս ավելի հաճախ կազմակերպել առանց սարքերի երեկոներ: