BBC-ի փոխանցմամբ՝ չինացի բորտուղեկցորդուհիները դժգոհել են ծաղրանքի ենթարկվելուց։ Չինական Kunming Airlines ավիաընկերությունը հայտնվել է սկանդալի կենտրոնում, ինչը տեղի է ունեցել այն բանից հետո, ինչ լուսանկարներ են հրապարակվել, որոնցում նրա բորտուղեկցորդուհիները պատկերված են ինքնաթիռի՝ ձեռքի ուղեբեռի համար նախատեսված դարակներում։
Ընդգծվում է, որ դա դարձել է յուրատեսակ կարգ, որը պետք է անցնեն նոր բորտուղեկցորդուհիները։ Ընկերության աշխատակիցների շրջանում այդ ավանդույթը գոյություն ունի ոչ մեկ տարի։ Չինական CCTV պետական հեռուստաընկերությունը հայտնել է, որ շատ բորտուղեկցորդուհիներ չեն ցանկացել մասնակցել այդ արարողությանը, սակայն վախեցել են, որ աշխատանքային կոլեկտիվի ավելի փորձառու անդամները նրանց չեն ընդունի իրենց շրջապատում։ Մի շարք աշխատակիցներ բողոքել են ընկերության ղեկավարությանը, սակայն որևէ միջոց չի ձեռնարկվել։ Բուն ավիաընկերությունը հերքում է բողոքներ ստանալը։