Ապագան արդեն եկել է: Լոս Անջելեսի դպրոցներն աշակերտների համար iPad պլանշետներ են գնում: Այս մասին հայտնում է news.siteua.org-ը՝ հղում անելով ամերիկյան մամուլին:
Հաղորդվում է, որ iPad-ների առաջին խմբաքանակը 31.000 պլանշետով դպրոցների համար արժեցել է 30 մլն դոլար: Սակայն, ինչպես հայտնում է Լոս Անջելեսում կրթության վարչությունը՝ դասագրքերի փոխարինման նախագիծը մի քանի տարի կտևի:
Գերատեսչությունն արդեն հաստատել է iPad-ների առաջին խմբաքանակի գնումը 30 մլն դոլարով: Ինչո՞ւ iPad: Բանն այն է, որ կրթության վարչության ուսումնասիրությունների համաձայն՝ Apple-ի պլանշետներն ամենահարմարն են կրթական նպատակներով, նաև ավելի էժան են:
Ներկայումս ԱՄՆ-ի դպրոցներում օգտագործվում է մինչև 10 մլն iPad: Դրանց մեծ մասը՝ Լոս Անջելեսի դպրոցներում:
