Իրաքի քրդերը մեղադրել են ԴԱԻՇ-ի զինյալներին քիմիական զենք օգտագործելու մեջ: Այդ մասին հայտնում է Reuters-ը:
Քրդական ռազմականացված ստորաբաժանումների (պեշմերգ) տվյալներով՝ իսլամիստները Մոսուլից հյուսիս քրդական դիրքերը գնդակոծել են հրթիռներով, որոնք պարունակել են անծանոթ քիմիական նյութ: Արդյունքում քրդերից մեկը թունավորվել է, ում հետ այժմ աշխատում են բժիշկները:
Ավելի վաղ՝ օգոստոսի 22-ին, սիրիական լրատվամիջոցները հայտնել են ԴԱԻՇ-ի կողմից քիմիական զենք օգտագործելու փաստի մասին: Դրանից մեկ օր առաջ ԴԱԻՇ-ի դեմ պայքարի շտաբի պետ Քևին Քիելեան հայտնել է, որ ԱՄՆ-ը նախնական ապացույցներ է ստացել Իրաքում իսլամիստների կողմից քիմիական զենք օգտագործելու մասին: