PNAS պարբերականի փոխանցմամբ՝ հետազոտողները պարզել են, որ մարդու մարմինը էվոլյուցիայի ընթացքում անցել է չորս փուլ, իսկ փոփոխությունների դրդապատճառը կենսակերպի ու տեղաշարժման եղանակի փոփոխություններն էին։ Մասնավորապես, ժամանակի հետ մեկտեղ նրանք սկսել են ավելի քիչ ժամանակ անցկացնել ծառերի վրա և ավելի շատ են տեղաշարժվել երկու ոտքով։
Գիտնականները հետազոտել են Իսպանիայի տարածքում հայտնաբերված մոտ 430.000 տարվա վաղեմության մարդկանց մնացորդներն ու հանգել նման եզրակացության։ Աշխատանքների ժամանակ պարզվել է, որ այնտեղ բնակված ժամանակակից մարդու նախնիները եղել են հարաբերականորեն ավելի բարձրահասակ, ունեցել են լայն թիկունք ու մկանուտ մարմին։ Միևնույն ժամանակ նրանց գլխուղեղը եղել է ավելի փոքր, քան նեանդերթալցիների մոտ է։
Գիտնականները վստահեցնում են, որ հայտնաբերված մարդկանց մարմինները պատկանել են մարդու մարմնի էվոլյուցիայի երրորդ փուլին, իսկ ժամանակակից մարդիկ գտնվում են էվոլյուցիոն չորրորդ փուլում։