«Ֆարենհեյթ 9/11» քննադատական փաստագրական ֆիլմի հեղինակ Մայքլ Մուրը ներկայացրել է 6 տարվա մեջ իր առաջին երգիծական ֆիլմը՝ «Ում վրա հաջորդը հարձակվել»: Ֆիլմը ԱՄՆ արտաքին քաղաքականության մասին է։ Այս մասին գրում է Los Angeles Times-ը: Պրեմիերան կկայանա Տորոնտոյում սեպտեմբերի 10-ին բացվող Միջազգային կինոփառատոնին:
Ռեժիսորը և քաղաքական ակտիվիստը կարծում է, որ հակամարտությունների ձգտումը ԱՄՆ ռազմական գերատեսչության մշտական պահանջմունքն է:
Ֆիլմի մանրամասները դեռևս չեն բարձրաձայնվում, Մուրն անձամբ իր նոր ստեղծագործությունն անվանել է «էպիկական տեսակի ֆիլմ»: