Վերնիսաժի տարածքում բացվել է սիրիահայերի շուկա: Այստեղ ներկայացված են սիրիահայերի ձեռքի աշխատանքները՝ արծաթից, գորգից մինչև օճառ:
«Առաջին լրատվական»-ի հետ զրույցում առևտրով զբաղվողները նշեցին, որ հույս ունեն շուկայի միջոցով մեղմել իրենց ֆինանսական խնդիրները և կայուն հաստատվել հայրենիքում: Սիրիահայերի խոսքով՝ Վերնիսաժը առևտրի հիանալի վայր է, շատ զբոսաշրջիկներ են այցելում, ուստի ապրանքը վաճառելու հնարավորությունները մեծանում են։
«Մեր հայրենակիցներն էլ այստեղ հաճախ են գալիս, մաղթեք, որ մեր առևտուրը լավ լինի։ Գները թանկ չեն, ամբողջը սիրիական ոճով է պատրաստված. Սիրիայում այս ապրանքներով հետաքրքրվողները շատ էին»,- նշեցին նրանք:
Շուկան չի գործի միայն շաբաթ և կիրակի օրերին: Սիրիահայերը նշեցին, որ իրենք համապատասխան ներդրումներ են հայթայթել տարածքի բարելավման, ընդլայնման համար, սակայն Վերնիսաժի տնօրինությունը թույլ չի տալիս աշխատանքներ կատարել։ «Հիմա բանակցում ենք այդ ուղղությամբ, շատ լավ կլինի, որ բարեկարգված լինի»,- նշեցին նրանք:
Մանրամասները՝ տեսանյութում։