Սյունիքի մարզպետ Սուրիկ Խաչատրյանի դեմ մահափորձի գործով կտրուկ զարգացումների ու սրընթաց իրադարձությունների մեջ բազմաթիվ հարցականներ կան, որոնց պատասխանններն այս պահին, գոնե հասարակության համար, անհայտ են մնում: Այս մասին գրում է «Փաստինֆո»–ն:
Նախ հիշեցնենք` երեկվանից այս գործի շրջանակերում ձերբակալված Արա Բուդաղյանին շուրջ 24 ժամ թույլ չեն տվել հանդիպել փաստաբանի հետ: Այսինքն՝ հենց իրավապահներն են մարդուն արգելել օգտվել իր օրինական իրավունքից: Այն, որ իրավապահները պետք է որ կռահեին այս գործի ու հատկապես Բուդաղյանի նկատմամբ մամուլի ու հասարակության հետաքրքրությունն ու ուշադրությունը, իրավապահները հազիվ թե չկռահեին, ու այս պարագայում նրանց այդ անօրինական արարքը պետք է շատ լուրջ հիմքեր ունենար: Բայց այս պահին դեռևս անհայտ է մնում, թե ինչ ուժ է կառավարել նրանց այդ քայլը:
Մյուս կողմից անհասկանալի է մնում նաև, թե ինչ նպատակով էր նախօրեին ԱԱԾ-ն տարածել կասկածյալի ֆոտոռոբոտը, եթե հաջորդ օրն արդեն ոչ թե մեկ, այլ միանգամից 4 անձի պիտի ձերբակալեր:
Բացի այդ, երեկ ԱԱԾ տարածած հաղորդագրության մեջ նշված էր, որ «կատարված խուզարկությունների արդյունքում ձերբակալված անձանց պատկանող բնակարաններից, այլ շինություններից հայտնաբերվել է մեծ քանակությամբ զենք և ռազմամթերք, այդ թվում՝ «ԱԿ-74 » տեսակի 5. 45 մմ տրամաչափի ինքնաձիգ՝ փամփշտատուփերով և փամփուշտներով»:
Հաղորդագրությունում չի նշվում՝ օրինակա՞ն է եղել հայտնաբերված զենք-զինամթերքը, թե` ոչ: Գաղտնիք չէ, որ Սյունիքում զենք ունեցողները քիչ չեն: Այլ հարց է, թե ունե՞ն դրա իրավունքը կամ ի՞նչ են անում դրանով: Միաժամանակ, ԱԱԾ-ն զենքի մասին հայտնում է, երբ դեռ նոր է հայտնաբերել այն, բնականաբար, դեռ փորձաքննության չի ենթարկել, ու հայտնի էլ չէ՝ այդ զենքով են կրակե՞լ մարզպետի ավտոմեքենայի վրա, թե՝ ոչ:
Դրան զուգահեռ, մեկ այլ դեպքում, երբ հայտնի է, որ մարդն ունեցել է ապօրինի զենք, ինքն էլ հայտնել է, որ նույնիսկ կրակել է դրանով, նրա նկատմամբ օրենքով նախատեսված ոչ մի քայլ չի ձեռնարկվում:
Մանրամասները՝ սկզբնաղբյուր կայքում
