«ԵԿՄ մարզային կառույցը մնում է իր որոշմանը հավատարիմ. սատարում ենք Վահագն Գևորգյանին»,- Աբովյանի ԵԿՄ գրասենյակից դուրս գալով՝ հայտարարեց ԵԿՄ Կոտայքի մարզային կառույցի ղեկավար Աբել Հարությունյանը՝ հավելելով, որ եթե կլինեն մարդիկ, որ կսատարեն այլ թեկնածուների, իրենց որոշումն է: «Հո զաստավիտով չի՞»,- ասաց նա:
Նա նաև նշեց, որ Մանվել Գրիգորյանի կողմից ոչ մի հրահանգ չկա. «Ով ում ուզում՝ ընտրում է»:
Ապա Աբովյանի ԵԿՄ կառույցի ղեկավարը նստեց մեքենան, հրաժարվեց պատասխանել լրագրողների հարցերին և արագ հեռացավ:
Փոխարենը՝ Աբովյանի կառույցի անդամները փոխնախագահների մակարդակով վերահաստատեցին իրենց դիրքորոշումը Արթուր Հարությունյանին սատարելու վերաբերյալ:
Նրանց նույնիսկ վրդովեցնում էին լրագրողների այն հարցերը, թե գուցե տեսակետը փոխեն: «Մենք ում ուզենք՝ կընտրենք»,- պարբերաբար շեշտում էին նրանք:
Հիշեցնենք, որ Աբովյանի ընտրությունների շուրջ ԵԿՄ-ականների դիրքորոշումները տարբեր են: ԵԿՄ-ի Աբովյանի կառույցի անդամները հայտարարել էին, որ մարզային կառույցը չի կարող իրենց անունից խոսել, ընտրությունները Աբովյանում որոշողը իրենք են: Այդ իսկ պատճառով ԵԿՄ-ի Աբովյանի քաղաքային կառույցում քննարկում է ընթանում ԵԿՄ Կոտայքի մարզային կառույցի ղեկավարների հետ: Սակայն հանդիպումից հետո ոչինչ չփոխվեց:
Մանրամասները՝ տեսանյութում:
