Դանիայի Էգթվեթ գյուղի մոտ թաղված աղջկա մազերի, ատամների և եղունգների իզոտոպների ստրոնցիումները թույլ են տվել կազմել բրոնզեդարյան Եվրոպայի կյանքի պատկերը, գրում է MIGNews-ը:
«Աղջիկը` Էգթվեդից» ծնվել է Գերմանիայի հարավ-արևմուտքում, արևապաշտների ընտանիքում: Երիտասարդ տարիքում նա դարձել է Արևի աստծո քրմուհին: Սակայն, նա ամուսնացել է հարևան ցեղի առաջնորդի հետ և տեղափոխվել ներկայիս Դանիայի տարածք` ժամանակ առ ժամանակ գալով հայրական տուն: Նա դեռ 18 տարեկան չի եղել, երբ ծննդաբերել է: Մայրը և երեխան մահացել են: Նրանց երկուսին թաղել են ամուսնու տան մոտ:
Աղջկա ժամանակ առ ժամանակ տեղափոխվելու մասին գիտնականներն իմացել են նրա մազերի ստրոնցիումներից: Նրանց երկարությունը բավական է կյանքի վերջին 23 ամիսների մասին տեղեկություն ստանալու համար: Աղջկա եղունգները ևս հաստատել են, որ մահվանից ոչ շատ առաջ նա հեռու է գտնվել Դանիայի իր տնից:
Դանիացի հնագետները պարզել են, որ բրոնզե դարում տղամարդիկ մնացել են հայրենի օջախում, իսկ կանայք` ակտիվորեն ճամփորդել:
