Դեռ հստակ չէ, թե Գերմանիայի խորհրդարանը, որ երկու անգամ հետաձգել է Հայոց ցեղասպանության մասին բանաձևի քննարկումը, երբ կքննարկի այն, սակայն Բունդեստագի Քրիտոնեադեմոկրատական կուսակցության պատգամավոր Ալբերտ Վայլերը հավաստում է, որ այն տեղի կունենա մոտ օրերս:
Մայիսի 2-ին, պատասխանելով «Արմենպրեսի» հարցմանը, գերմանացի խորհրդարանականն ասել է. «Երևանում «Ընդդեմ ցեղասպանության հանցագործության» գիտաժողովի շրջանակներում ունեցած իմ ելույթի ընթացքում ես ասացի, որ այն դեպքերը, որոնք տեղի են ունեցել, ցեղասպանություն են։ Իմ շատ գործընկերներ ևս մտածում են, որ կատարվածը ցեղասպանություն էր, և մենք քայլեր ենք ձեռնարկում, որպեսզի այդ բառն իր տեղը գտնի բանաձևի մեջ»,- ասել է գերմանացի պատգամավորը:
«Չեմ կարող հստակ ասել, թե Բունդեստագում քննարկումը երբ տեղի կունենա, բայց հավաստում եմ, որ շատ շուտով։ Տարբեր հանձնաժողովներում քննարկումներից հետո հարցը կտեղափոխվի խորհրդարան»,- հավելել է Ալբերտ Վայլերը: