Ադրբեջանում թալիշների առաջնորդ Ալիքրամ Գումբատովը ցավակցական ուղերձ է հղել Հայոց ցեղասպանության զոհերի ժառանգներին։ Այս մասին գրում է ադրբեջանական Haqqin.az-ը։
«Հայ ժողովրդի համար ծանր այս օրը մենք՝ թալիշներս, սգում ենք ձեզ հետ միասին ու կիսում ենք ձեր ցավը։ Թող Ամենակարողը ձեզ համար նման փորձություններ այլևս թույլ չտա։
Ավելի քան մեկ միլիոն հայերի ոչնչացումը օսմանցի պանթյուրքիստների կողմից չկարողացավ աշխարհի երեսից ջնջել հայ ժողովրդին։ Եվ այսօր մենք տեսնում ենք ժողովրդավարական մի պետություն՝ Հայաստանի Հանրապետություն։ Սատանաներին չհաջողվեց հաղթել մեծն հայ ժողովրդին»,- հայտարարել է Գումբատովը։