«Փաստինֆո»-ին նոր մանրամասներ են հայտնի դարձել ապրիլի 18-ի երեկոյան Գյումրիում տեղի ունեցած դաժան սպանության մասին, որի զոհ են գնացել երկու կին` մայր ու աղջիկ: Տանը տղամարդ չի եղել, կանայք ապրել են միայնակ:
«Փաստինֆո»-ի տեղեկություններով` 90-ամյա կինն ու նրա 51-ամյա աղջիկը դանակահարվել են: Վերջինիս մարմնի վրա հայտնաբերվել են դանակով պատճառված բազմաթիվ վնասվածքների հետքեր:
Նախնական վարկածով` սպանության նպատակը եղել է գումարի հափշտակությունը: Հանցագործները տունն ամբողջությամբ տակն ու վրա են արել: Սպանվածներին ճանաչողները պատմում են, որ նրանք որոշ գումար են ունեցել եւ տոկոսով փող տվել, ինչի մասին, ըստ ամենայնի, շատ լավ իմացել են նաեւ հանցագործները:
Լուսանկարը՝ galatv.am-ի