Ամերիկացի գիտնականները պարզել են, որ անհաջող ամուսնությունը մեծացնում է սրտի հիվանդության հավանականությունը, գրում է direct-press.ru կայքը: Ամուսնու հետ վատ հարաբերությունները մեծացնում են ծերության ժամանակ սրտանոթային հիվանդությունների վտանգը, մանավանդ կանանց դեպքում:
Գիտնականները հատուկ ուսումնասիրություն են կատարել, որին մասնակցել են 57-85 տարեկան 1200 կին և տղամարդ: Փորձի բոլոր մասնակիցներն էլ այդ ժամանակ ամուսնացած են եղել:
Գիտնականները հետազոտել են այդ մարդկանց 5 տարի: Արդյունքում պարզվել է, որ ամուսինների վատ հարաբերությունները նկատելիորեն մեծացնում են սրտանոթային հիվանդությունների վտանգը, մանավանդ կանանց դեպքում: Ընդ որում՝ երջանիկ ամուսնության օգուտներն այնքան նկատելի չեն սրտանոթային համակարգի առողջության համար, որքան վատ հարաբերությունների վնասը: Պարզվել է նաև, որ տարիքի հետ մեծանում է հիվանդության հավանականությունը:
