Ոչ մեկի համար գաղտնիք չէ, որ գրեթե բոլոր հայտնի մարդիկ էլ ունեն մանրակրկիտ նախապատրաստված ռայդերներ, որոնցում գրված են համերգների անցկացման բոլոր անհրաժեշտ պահանջները: Հիմնականում ռայդերներում նշված են լինում, թե ինչպիսին պետք է լինեն առաջին անհրաժեշտության իրերը, ինչպես, օրինակ, հիգիենայի պարագաները կամ անվտանգության հետ կապված միջոցները: Սակայն որոշ աստղեր առանձնանում են հատուկ պահանջներով, որոնք կարելի է համարել, մեղմ ասած, տարօրինակ:
bugaga.ru կայքը ներկայացնում է որոշ աստղերի ամենատարօրինակ պահանջները:
Քանյե Ուեսթ
The Smoking Gun պարբերականի տվյալներով՝ հայտնի ռեփերը շատ մեծ ուշադրություն է դարձնում իր մաշկի խնամքին: Սովորաբար Քանյեն պահանջում է Carmex ընկերության շրթունքների բալզամ, թեփի դեմ Neutrogena շամպուն, L’Occitane օճառ, Neutrogena ընկերության դեմքի սկրաբ, ինչպես նաև Nivea-ի ինտենսիվորեն խոնավեցնող դեմքի լոսյոն: Այս ամենից բացի՝ Քանյեն պահանջում է, որպեսզի իրեն տրամադրեն Versace-ի սրբիչ, իսկ իր վարորդը կրի միայն մաքուր բամբակե հագուստ:
Շեր
Շերի գլխավոր պահանջներից մեկն այն է, որպեսզի իրեն տրամադրեն կեղծամների համար նախատեսված առանձին սենյակ: Բացի այդ, երգչուհու պահանջներից են նաև մերսման համար առանձին սենյակը, Casa Blanca-ի թարմ շուշաններն ու Solo ընկերության 12 բաժակ սև թեյ:
Ջենիֆեր Լոպես
Ջենիֆեր Լոպեսը հայտնի է իր տարօրինակ պահանջներով, սակայն դրանց շարքում կան զարմանալիները: Դրանցից է, օրինակ, այն, որ նրա սուրճը պետք է դրված լինի ժամացույցի սլաքի հակառակ ուղղությամբ, ոչ մի առարկա չպետք է լինի սպիտակ գույնի: Բացի այդ, նրան անպայման անհրաժեշտ է Evian ընկերության ջուր, որը պետք է լինի սենյակային ջերմաստիճանի, ինչպես նաև խնձոր և խաղողի հյութեր:
Ջասթին Բիբեր
Ջասթին Բիբերի ռայդերը շատ նման է երգչին: Ջասթինի հիմնական պահանջներից առանձնանում են բուսական թեյերը, Ritz Bitz պանիրը, surströmming-ը, տարբեր չափերի գուլպաները, ինչպես նաև սովորական սպիտակ շապիկները: Բացի այդ, Ջասթինը պահանջում է, որպեսզի իրեն սպասարկող անձանցից ոչ ոք անմիջաբար չխոսի իր հետ, և բոլորը, ովքեր շրջապատում են իրեն, հագնված լինեն գեղեցիկ և կոկիկ:
Մադոննա
Սովորաբար Մադոննան պահանջում է 20 հոգուց բաղկացած անձնական օգնականներ, որոնց մեջ անպայմանորեն պետք է ընդգրկված լինեն շեֆ-խոհարարը, յոգայի ուսուցիչը և ասեղնաբույժը: Բացի այդ, նրա ռայդերում կան 20 միջազգային հեռախոսահամարներ, շուշաններ և բաց վարդագույն ու սպիտակ վարդեր՝ 6 դյույմ երկարությամբ: Ըստ complex.com կայքի՝ Մադոննան շատ է սիրում զգալ իրեն ինչպես տանը, և այդ պատճառով շրջագայություններին իր հետ վերցնում է նաև տան կահույքը: