Իրանի միջուկային ծրագրի շուրջ բանակցություններում շատ բաց հարցեր են մնացել: Այս մասին Վիեննայում լրագրողներին հայտնել է Գերմանիայի ԱԳ նախարար Ֆրանկ-Վալտեր Շտայնմայերը, գրում է TASS-ը:
«Մենք շատ հարցերում հեռու ենք միմյանցից»,- ասել է նա: Միևնույն ժամանակ նախարարն ընդգծել է, որ իրանական կողմից ակնհայտ է «արդյունքի հասնելու» ձգտումը:
Նոյեմբերի 23-ին ARD հեռուստաալիքի եթերում Շտայնմայերը Թեհրանին նախազգուշացրել է միջուկային խնդրի շուրջ բանակցությունների տապալման մասին: «Եթե մենք վերջնական արդյունքի չհասնենք, հարկավոր կլինի տարբերակներ փնտրել, որպեսզի սրանով ամեն ինչ չավարտվի, այլ որպեսզի այս գործընթացի շարունակվի»,- նշել է Գերմանիայի ԱԳ նախարարը: