Հոլիվուդյան հայտնի դերասանուհի Շարլիզ Թերոնը դարձել է երեխաների պաշտպանության ամերիկյան համակարգի զոհը: Զբոսանքի ժամանակ նա փորձել է հանգստացնել որդուն, նրա վրա ձայնը բարձրացնելով, որի հետևանքով հայտնվել է ոստիկանության ուշադրության կենտրոնում:
Շարլիզը պիկնիկի է դուրս եկել որդու և ռեժիսոր Շոն Փենի հետ միասին: Որդին մորը չի լսել և փախել է նրանից: Թերոնը փորձել է երեխային կարգի հրավիրել և հետ կանչել:
Ընտանեկան հարցերին միջամտել է կողքից անցնող մի կին, ով փորձել է կատարվածը տեսագրել: Երբ Շարլիզը կտրուկ սաստել է անցորդին, վերջինս ոստիկանություն է զանգահարել և պատմել, որ դերասանուհին ծեծում է որդուն:
Ոստիկանները միանգամից դեպքի վայր են ժամանել, գրում է Myjane-ը: Նրանք հարցաքննել են դերասանուհուն, զննել են երեխային, և բռնության հետքեր չգտնելով, բաց են թողել նրանց:
